...E Vui Durmiti Ancora - Remastered
3
views
Lyrics
Lu suli è già spuntatu di lu mari e vui, bidduzza mia, durmiti ancora, l'aceddi sunnu stanchi di cantari e affriddateddi aspettanu ccà fora; supra 'ssu barcuneddu su pusati e aspettanu quann'è ca v'affacciati. Lassati stari, non durmiti cchiui, ca 'nzemi a iddi, dintra sta vanedda, ci sugnu puru iù, c'aspettu a vui, ppi viriri 'ssa facci accussì bedda; passu cca fora tutti li nuttati e aspettu suru quannu v'affacciati. Li ciuri senza vui non vonnu stari, su tutti ccu li testi a pinnuluni, ognun d'iddi non voli sbucciari, si prima non si rapì ssu barcuni. Intra li buttuneddi su ammucchiati e aspettanu quann'è ca v'affacciati. Lassati stari, non durmiti cchiui, ca 'nzemi a iddi, dintra sta vanedda, ci sugnu puru iù, c'aspettu a vui, ppi viriri 'ssa facci accussì bedda; passu cca fora tutti li nuttati e aspettu suru quannu v'affacciati.
Audio Features
Song Details
- Duration
- 05:03
- Key
- 2
- Tempo
- 128 BPM