Am Totenbett

Wonn i auf'd Nocht zum Wein geh
 Dann fühl ich mich komplett
 Und wonn i amol eingeh
 Dann komm i hin im Bett
 Do gibts zwoa nix zum erben –
 I bin ja pensioniert –
 Da sing ich nur vorm Sterben
 Mein letztes Heurigenliad:
 Hollodero, hollodero
 I brauch ka Weib, i brauch kan Wein, i liag am Totenbett
 Ich brauch ka Schnitzl und kan Gulasch und kan Strudl net
 Ich brauch aus Grinzing keine Schrammln, nur a Medizin
 Sonst bin i heit auf'd Nocht no hin
 I brauch ka Donau und kan Proter und kan Tegetthoff
 Ich brauch an Einlauf und a Spritzn und an Sauerstoff
 I brauch kan Woizer, i brauch net amol an English Woiz –
 Bringt's mi ins Krankenhaus, die Krankenkassn zoits
 I brauch ka Beuscherl' i brauch mei eignes wieder gsund
 I brauch kan 'Steffel, i brauch an ärztlichen Befund!
 Hoit's net mei Oide, weil sonsten stirb i no aus Trotz
 Auch kane Keatzn, weil in an Sorg is eh ka Plotz
 I brauch ka Klampfn, kan Radetzky und kan Zopfenstreich
 I brauch kan Kreisky und auch kein "Modernes Österreich"
 I brauch kan Karajan, der woa ja nie mei Hauptproblem –
 Ich brauch em net amoi fürs Requiem
 I brauch ka Wohnung, weil a Wohnung hob i eh nie ghobt
 Brauch kane Freinderln, weil die hot ja die Polizei scho gschnoppt
 I brauch kan Fernseher, denn im ORF siecht ma jo eh nix Gscheits –
 I brauch nur's Bluat vom Roten Kreitz
 Leckts mi im Oasch mi'm Parlament und Fahne rot-weiß-rot
 I brauch ka Freiheit, weil bis' die gibt bin i eh scho tot
 I brauch kan Fremdenführer in der Kapuzinergruft –
 I waaß nur aans: I kriag ka Luft!
 Ma sogt der Wiener ist immer voll Gemütlichkeit
 Jo, i bin a Wiener, i hob fürs Gmiatlichsein ka Zeit
 Ma sogt der Wiener kennt seine Oper, seine Burg
 I kenns von außen – i kenn nur leider kan Chirurg
 I kenn kan Strauß, kan Lipizzaner und kan 'Knabenchor
 Weil i mein Lebtog mit der Oabeit zu beschäftigt wor
 I find kan Mozart und kan Haydn und kan Schubert schön –
 I hab a aanzigs Moi den Hitler g'sehn
 Ka Wiener Lied, ka Wiener Mode, nur a Leichenhemd –
 Jo, womma stirbt, wird einem Wien ganz fremd!