Pacha Bottasi (From "Baahubali - The Beginning")

పచ్చబొట్టేసిన పిల్లగాడా నీతో
 పచ్చి ప్రాయాలనే పంచుకుంటానురా
 జంటకట్టేసిన తుంటరోడా నీతో
 కొంటె తంటాలనే తెచ్చుకుంటా దొరా
 వేయి జన్మాల ఆరాటమై
 వేచి ఉన్నానే నీ ముందర
 చేయి నీ చేతిలో చేరగా
 రెక్క విప్పిందే నా తొందర
 పచ్చబొట్టేసిన పిల్లగాడా నీతో
 పచ్చి ప్రాయాలనే పంచుకుంటానురా
 మాయగా నీ సోయగాలాలు వేసి
 నన్నిలా లాగింది నువ్వే హలా
 కబురులతో కాలాన్ని కరిగించే వ్రతమేలా
 హత్తుకుపో నను ఊపిరి ఆగేలా
 బాహు బంధాల పొత్తిళ్లలో విచ్చుకున్నావే ఓ మల్లిక
 కోడె కౌగిళ్ల ఒత్తిళ్లలో పురి విప్పింది నా కోరిక
 పచ్చబొట్టేసిన పిల్లగాడా నీతో
 పచ్చి ప్రాయాలనే పంచుకుంటానురా
 కానలో నువ్ నేను ఒక మేను కాగా
 కోనలో ప్రతి కొమ్మ మురిసేనుగా
 మరుక్షణమే ఎదురైనా మరణము కూడా పరవశమే
 సాంతము నే నీ సొంతము అయ్యాక
 చెమ్మ చేరేటి చెక్కిళ్లలో చిందులేసింది సిరివెన్నెల
 ప్రేమ ఊరేటి నీ కళ్లలో రేయి కరిగింది తెలిమంచులా
 పచ్చబొట్టేసిన పిల్లగాడా నీతో
 పచ్చి ప్రాయాలనే పంచుకుంటానురా
 జంటకట్టేసిన తుంటరోడా నీతో
 కొంటె తంటాలనే తెచ్చుకుంటా దొరా