I Söba - Live

Wie sehr i mi a anstreng, und wie sehr i mi bemüh',
 wie sehr i ma bewusst bin und wie sehr i mi erweitern wü,
 und ob i auf a Wunder hoff' und doch die Wirklichkeit obsiegt,
 und ob i vor an Abgrund steh und net seh,
 dass a Bruck'n d'rüberliegt.
 Und ob i völlig fertig auf der Erd'n pick,
 oder ob i nimmer aus und ein waß vor Glück,
 ob i verzweifelt bin und dementsprechend zu viel trink',
 oder ob i übern höchsten Berg spring,
 es reduziert si immer wieder auf mi selber
 und die Lieder, die i sing'.
 Wie moch i's nur, wos kann i tuan,
 wie soll i mi befrei'n?
 Mei Haut wird ma zu eng,
 am liebsten möcht' i schrei'n!
 Mir selber ausgeliefert, i was goa net
 wie ma g'schiecht,
 i tapp amoi im Dunkel
 und dann steh i plötzlich wieder im Licht.
 Und amoi geht's ma guat
 und amoi geht's ma schlecht,
 die Euphorie is künstlich
 nur die Depression is echt,
 und amoi moch i's richtig, dann bin i da King,
 dann moch i's wieder foisch und bin da Widerling -
 es reduziert si immer wieder auf mi selber
 und die Lieder die i sing.
 I wü nur sein so wie i bin, i wü mi ned verstell'n,
 in Frieden wü i meine Lieder schreib'n und bitte nimmer quälen!
 Manchesmoi verhüll' i mi,
 dann bin i wieder nackt,
 wenn's wü, kommt des Gefühl,
 des mi vereinnahmt, des mi packt.
 Dann bin i der Ureigenste,
 dann bin i ganz der Selbste,
 und dann überschätz' i mi,
 und klarerweis' verletz' i mi aufs Gröbste.
 I komm von nirgendwo und geh nirgends hin,
 i waß a nimmer wann und wo i geboren bin
 i bin afoch do, und i bin schlimm,
 i gib viel zuwenig für des wos i nimm -
 es reduziert si immer wieder auf mi selber
 und die Lieder die i sing.