Oid wurdn

I hoch auf amoi zua, wann wer was sogt
 Und selten nurmehr geh i
 In der Nacht auf die Jagd
 I bin schwerer zum Überzeug'n
 Und nimmer so berechenbar
 Und i begib mi nimmer so oft
 Sinnlos in a Gefahr
 Und es vergeh'n die Jahr
 Und ob i wos versam
 Des mocht mi nimmer so nervös
 Wann i dann doch amoi abstürz
 Nimmer so desaströs
 I bin auf amoi nimmer ganz so bled
 Und ganz so wüd
 Nimmermehr ganz so stur
 Und nimmermehr so verspüt
 I bin scho oid wurd'n
 Des is ned zum Überseh'n
 I bin oid wurd'n
 Oba des Oidwerd'n is schen!
 I bin scho oid wurd'n
 Oba es geht mir wunderboa
 Besser ois je zuvor
 I verlier hoit a paar Hoa
 Oba des woa jo kloa
 Dann denkt ma plötzlich
 Wos wa, wann ma Schwierigkeiten hätt -
 Es klappert ois nimmer so richtig
 Ned im Job und ned im Bett
 Und ma ertappt si dabei
 Wie ma si estschlossen
 Dagegen stemmt -
 Geh Oida kumm und entspann di
 Moch da ned glei ins Hemd!
 Wos glaubst, wos dir no davonrennt?
 Oide Leit san überall
 Die meisten san in Wien
 Do bin i manchmal wirklich froh
 Dass i ka Wiener bin
 Oide Leit san überall
 Auf amoi g'hörst dazua -
 Oid werd'n muass a jeder brave Bürger
 Jeder no so wüde Bua!
 ♪
 Dann host vielleicht a bissl schlechter
 G'schlof'n letzte Nocht
 Und deine Träume hob'n di vielleicht
 Goa a bissl zum Schwitz'n b'rocht
 Oba du bist doch so erfahren
 Du bist doch so abgebrüht
 I glaub, ma is immer genauso oid
 Wie ma si grod fühlt
 Und du bist oid wurd'n
 Doch du bist ned da Anzige
 Du bist oid wurdn
 Oba des oid werd'n is doch sche?
 Du bist oid wurd'n
 Oba des is dir scheissegal
 Es geht dir phänomenal
 Und es is völlig normal
 Ein Prost aufs letzte Quartal!