Cicole e Ciacole

L'è sempre in dù che se se comoda
 Descalsi e sansa mascare che se pol sbrisiar so e no catarse più
 Lasso star le to pretese i to oci e le sirese
 Che anca mi no sò più sa far
 E co ste cicole con le te ciacole
 Dò diamanti con le lagrime che no le vòl vegnar so
 E su sta nave son partìo e nel golfo dei leoni
 Me son butà so in meso al mar
 E gira che te giri ogni tanto respira
 E varda el vento che destriga ste quatro onde in meso al mar
 E scrivi n'altra riga ma sensa far rima
 No gò bisogno de poemi par sentarme li con ti e...
 Sera i oci mi son qua con ti
 Nei to sogni sensa fine ghe semo andè in dù
 Con le ombre e coi pugnali coi to sorrisi a sette fiori
 E gira che te giri nei sogni de blu
 E ancora cicole po' basi e ciacole
 Nelle notti canti e musiche a rugolarse so par i prà
 Passa agosto e passa i ani con tutte ste foto tra le mani
 E mi son ancora in meso al mar
 E gira che te giri ogni tanto camina
 Ghè tanta gente che la siga in silensio in fondo a questo mar
 E gira che te giri ogni tanto la riva
 E scolta dentro a sta rima ghè soltanto la voia de cantar
 E gira che te giri ogni tanto respira
 E varda el vento che destriga ste quatro onde in meso al mar