Sogna Nina

Sogna Nina, che Verona g'ha el mar
 Quante cose te te pol imaginar
 Là l'Arena se specia in laguna
 La Gran Guardia ne l'acqua se cuna
 Quante barche ghè par la piassa
 La sganassa fin la tore
 Se la sballia a batar le ore
 A far l'amore più tempo sarà
 Sogna Nina, che Verona g'ha el mar
 Quante cose te te pol imaginar
 Se ghè el vento che alsa la sabia
 O la piova che ciama la nebia
 Sul Listòn gli amanti i se abbrassa
 Ne la note, i se sconde
 Cò le note che sona le onde
 Quante cansoni i se imaginarà
 Sogna Nina, che Verona g'ha el mar
 Quante cose te te pol imaginar
 Là l'Arena se specia in laguna
 La Gran Guardia ne l'acqua se cuna
 Quante barche ghè par la piassa
 La sganassa fin la tore
 Se la sballia a batar le ore
 A far l'amore più tempo sarà
 Sveia Nina t'è finio de sognar
 Cosa importa se no ghè più quel mar
 Sveia Nina t'è finio de sognar
 Ma la to boca la sà ancora de sal