Yanez - Live

Sale scende la marea e riporta la sua rudeera
 Un sèdell e una sciavata e una tuletta de Red Bull
 Sandokan cun't el mohito e'l bigliett cun soe l'invito
 Sandokan che ha imparato a pilotare le infradito
 ♪
 E la geent che la rüva al maar taant per dì che l'è staada che
 Cul getton de la sala giochi
 El càvall el moev un zicch el cüü
 Uduu de fritüüra de pèss e de piza de purtà via
 Kamammuri l'è de sessant'ann che sta
 Soel dondolo de la pension
 Yanez de Gomera, se regordet cume l'era?
 E adess biciclett e vuvuzela, e g'ha el Suzuki anca Tremal Naik
 Yanez de Gomera, se regordet de James Brook?
 Giüga ai caart giò al Bagno Riviera
 E i hann dii che l'è sempru ciucch
 ♪
 Stuzzichini, moscardini e una bibita de quatru culuur
 Abbronzati, tatuati i henn pirati vegnüü de Varees
 La pantera, gonna nera, canottiera, cameriera
 Moev el cüü anca senza i gettoni
 Ma l'è che dumà per cambiàtt el büceer
 Sandokan in soe la spiaggia cui müdand della Billabong
 G'ha l'artrite e g'ha el riporto
 Partiss per Mompracem cul pedalò
 E i Dayaki cun scià la Gazzetta
 G'hann mea teem per tajatt el coo
 I lassen la spada suta l'umbrelon, fanno piu danni con l'iPhone
 Yanez de Gomera, l'heet vedüda l'oltra siira?
 Pussee che la Perla de Labuan
 Marianna adess la me paar un sass
 Yanez de Gomera, cünta soe ammò cume l'era
 Ho vedüü che s'è rifada i tètt, l'ha mea pudüü rifàss el coer
 La sirena l'è incazzada che po' mea giügà al balòn
 Pulenta e cuba libre per i granchi in prucession
 Cumincia l'happy hour, la tigre di Malesia
 Finiss all'usteria cul riis in biaanch e la magnesia
 Ustionati, pirati senza prutezion
 Barracudas cun soe i Ray-Ban che giüghen a ping pong
 Sandokan che'l vusa in pizzeria
 Vusa e canta "Romagna Mia"
 Yanez de Gomera, se regordet cume l'era?
 E adess biciclett e vuvuzela, e g'ha el Suzuki anca Tremal Naik
 Yanez de Gomera, se regordet del colonnello Fitzgerald?
 L'ho vedüü in soe la curriera che 'l nava a Rimini a vedè i delfini