Kashti

Lamhein mere, jo hain tham se gaye
 Berang andheron me ghum se gaye
 Khaabon ke pankhon ko choothe huye
 Hawaon ke rukh, hain badal se gaye
 Ghum ke tehkhano se, Banjar maidaano se
 Udkar nikal jaane de
 Barson se maile jismo ke libaazon ko
 Fir se mahak jaane de
 Kashti doobe jo, maanjhi roothe toh, tinke juta ke phir tar jaane de
 In toofaano se unche iraadon ki, laharein kinaaron se takraane de
 Kashti doobe jo, maanjhi roothe toh, tinke juta ke phir tar jaane de
 In armaano ki unchi udaano ko, inka mukammal jahaan paane de
 Raahon me tham se gaye kaafile
 Khaabon ke manzar se jo na mile
 Saansein meri fir bhi chal jayegi
 Sambhalte sambhalte sambhal jayegi
 Joothe riwaazon ki bedum deewaron se Fir aaj takrayegi
 Barson se sahami se meri aawazein ye
 Sabra kahan payegi
 Kashti doobe jo, maanjhi roothe toh, tinke juta ke phir tar jaane de
 In toofaano se unche iraadon ki, laharein kinaaron se takraane de
 Kashti doobe jo, maanjhi roothe toh, tinke juta ke phir tar jaane de
 In armaano ki unchi udaano ko, inka mukammal jahaan paane de