King Orfeo

There lived a lady in yon Haa
 Scowan urla grun
 Her name was Lady Lisa Bell,
 Whar giorten han grun oarlac
 The king, he has a-huntin' gane,
 Left his lady aa alane.
 The Elfin Knight took oot his dart,
 Pierced poor Lisa tae the heart.
 When the king cam hame at noon
 He asked for Lady Lisa Bell.
 His nobles unto him they said,
 "She first was wounded, noo she's dead."
 He's awa intae the wood
 Til hair grew o'er him where he stood
 He sat there for seven years
 Til a company to him drew near.
 Some did ride and some did ging,
 He saw his lady them amang.
 He sat doon so full o' wae
 And he took oot his pipes to play.
 First he played the notes o' noy
 And then he played the notes o' joy
 Then he played the gaber reel
 That would make a sick heart heal
 The Elfin Knight to him did say,
 "What will you hae noo for your pay?"
 "For my pay I will thee tell
 I'll hae my Lady Lisa Bell."
 "You can take your lady hame
 And you'll be king o'er aa yer ain."