Owe War Sint Verswunden

Owê war sint verswunden alliu mîniu jâr!
 Ist mir mîn leben getroumet, oder ist ez wâr?
 Daz ich je wânde daz ez wære, was daz iht?
 Dar nâch hân ich geslâfen und enweiz es niht
 Nû bin ich erwachet, und ist mir unbekant
 Daz mir hie vor was kündic als mîn ander hant
 Liut unde lant, dâ ich von kinde bin erzogen
 Die sint mir frömde worden rehte als ez sî gelogen
 Die mîne gespilen wâren, die sint træge unt alt
 Vereitet ist daz velt, verhouwen ist der walt:
 Wan daz daz wazzer vliuzet als ez wîlent vlôz
 Vür wâr ich wande mîn ungelücke wurde grôz
 Iemer mêre ouwê
 Owê wie ist mit süezen dingen ist vergeben!
 Ich sihe die bittern gallen mitten in dem honege sweben
 Diu welt ist ûzen schœne, wîz, grüen unde rôt
 Und innan swarzer varwe finster sam der tôt