Ploegsteert

'T Was voe de koers da j' gie dien dag
 In Ploegsteert wierd geboren
 Lange voor da j' haar kreeg ip uw benen
 A j' 't al afgeschoren
 Nijdig over 't stuur
 Van uwen driewieler gebogen
 Ge waart nog kind
 Ge ving nog nie veel wind
 En voor da' j' 't wist wa' j' wereldnieuws
 De camera's ze plakten aan uw vel
 'T lijkt wel de nieuwe Merckx
 De ploegen zwaaiden met contracten
 'T een al vaster dan het ander
 En in ploegsteert zei de paster:
 "'k wiste van niets,
 Maar God es van ons p'rochie en riedt met de fiets"
 Ik komme d'raan, ik ga der staan
 'K komme d'raan, ik ga der staan
 'K ga niet ontgoochel'n, 'k ga der staan
 'K ga niet ontgoochel'n
 En 't volk zei: "kijk, ier komt de man
 'T talent druipt er in dikke druppels van
 W' en hem ier gemakt"
 
 Ambitie trekt ip overmoed
 Ze zijn rap te verwarren
 Een huis buiten proportie
 En een pote veel te sjieke karren
 'T was leven ip te groot verzet
 'T probleem van slechte maten:
 Ze staan altijd klaar
 Aasgieren en sjacheraars
 En hoe dat 't ton es misgegaan
 Deur wie of wuk of waar
 Uw enigste verklaringe:
 'Misschien zit ik geweun zo in mekaar'
 Was were wereldnieuws
 Ze pakten u ton mee 'lijk nen bandiet
 Ge zei: "da ben ik niet"
 Maar 'k komme weer, ik ga der staan
 'K komme weer, ik ga der staan
 'K ga niet ontgoochel'n, 'k ga der staan
 'K ga niet ontgoochel'n
 En 't volk zei: "d'r es een reukske aan
 Der zit zelfs doping in zijn band'n
 'K wist dat ie ha' gepakt"
 ♪
 De woorden "'k wil u nooit meer zien"
 Klinken hard in ieder tale
 'T es dooddoen zonder moorden
 'T es zonder advocaat voor 't tribunaal
 Da' z' uit de mond kwamen van de moeder van uw dochter
 Waar ha' j' 't verdiend
 Es 't lot zo nietsontziend
 Die laatsten dag met dochterlief
 Ge leerde ze nog fietsen
 Heur wiel begost te draaien
 Ge kost er ondanks alles van genieten
 Maar zonder vrouw en kind
 De colle waar da' j' nog mee tuop' hing
 Was 't gedaan
 De schepper ha' compassie, ge mocht gaan
 En God zei:
 "Kom maar weer, ik ga der staan
 Kom maar weer, ik ga der staan
 Kom maar weer, ik ga der staan
 Kom maar were...
 ♪
 Kom maar were...
 ♪
 Kom maar weer, ik ga der staan
 Kom maar were..."