Blow Northerne Wynd

Blou, northerne wynd
 Send thou me my suetyng!
 Blou, northerne wynd
 Blou, blou, blou!
 Ichot a burd in boure bryht
 That sely semly is on syht
 Menskful maiden of myht
 Feir ant fre to fonde
 In al this wurhliche won
 A burd of blod and of bon
 Never mon y nuste non
 Lussomore in londe
 Blou, northerne wynd
 Send thou me my suetyng!
 Blou, northerne wynd
 Blou, blou, blou!
 For heo is dere worth in day
 Graciouse, stout, and gay
 Gentil, jolyf so the jay
 Worhlich when heo waketh
 Maiden murgest of mouth
 Bi est, bi west, by north and south
 Thér nis fithele ne crouth
 That such murthes maketh
 Blou, northerne wynd
 Send thou me my suetyng!
 Blou, northerne wynd
 Blou, blou, blou!
 ♪
 Blou, northerne wynd
 Send thou me my suetyng!
 Blou, northerne wynd
 Blou, blou, blou!
 To Love, that leflich is in lond
 I tolde him, as ich understond
 How this hende hath in hond
 On herte that min wes
 And hire knightes me han soght
 Siking, Sorewing, and Thought
 Tho three me han in bale brought
 Ageyn the power of Pees
 Blou, northerne wynd
 Send thou me my suetyng!
 Blou, northerne wynd
 Blou, blou, blou!
 For hire love y carke ant care
 For hire love y droupne ant dare
 For hire love my blisse is bare ant
 Al ich waxe won
 For hire love in slep y slake
 For hire love al nyht ich wake
 For hire love mournynge y make
 More than eny mon
 Blou, northerne wynd
 Send thou me my suetyng!
 Blou, northerne wynd
 Blou, blou, blou!
 Blou, northerne wynd
 Send thou me my suetyng!
 Blou, northerne wynd
 Blou, blou, blou!