Evdale Zeyne

Evdalê Zeynê dibê Temo
 Quling tê lo diqêrîne
 Wele deşt û zozan tev datîne
 Xwedanê xêra tune bi destê
 Evdalê Zeynê
 Bavê Temo, Siwarê Cindî bigire
 Li welatê şaristana ser textoran bigerîne
 Belkî dermanê Evdalê Zeynê, Bavê Temo
 Ay Siwarê Cindî dîsa ji xwe re bibîne
 Were tew dinyayê ax tew kaliyê
 Ax Temo lawo mirin çêtir e, lo ji feqîriyê
 Evdalê Zeynê dibê
 Temo lawo quling tê, lo ji zozana
 Wele berê xwe dane
 Beriya xwarî di gemiyana
 Dibê hêlînê xwe çêkirine
 Li ser darê ax kizwana .
 Ax tew dinyayê, ax tew kaliyê
 Ax Temo lawo mirin çêtir e ji feqîriyê
 Evdalê Zeynê dibê Temo lawo quling tê lo
 Qulingî şeş e
 Wele per û baskê wan bi nexş e
 Xwedanê xêra tunîne
 Bi çepilê Evdalê Zeynê
 Bavê Temo Siwarê Cindî bigire
 Erê bavê ser Textorê Hebeş e
 Textorê Hebeş digo Temo lawo
 Bavê te ne kori ye, ava reş e
 Were tew dinyayê ax tew koriyê
 Ax Temo lawo koranî ne tiştek e
 Bila Xwedê li milê kurebavan
 Tucar nika nike
 Evdalê Zeynê digo Temo lawo
 Wele bes e, dinyaya boş e, pûç e
 Ji Evdalê Zeynê aşiqê kurdan re nayê rayê
 Evdal digot Temo lawo
 Çiqas xweş e lo ro li dinyayê
 Evdal digot Temo lawo ez Evdalê Zeynê me
 Şalûlê avê, bilbilê di şevê me
 Ezê dengbêjê oda Mihemed Begê me
 Bi Xwedê li dîwanên mîran û hakiman
 Lawo ez mêrekî çê me
 De sala par vî çaxî
 Ez di nava civat û cakiyan de rûniştî bûm
 De sala îsal bayê felekê li min dabû
 Her du çavên min xera bûne
 Lawo ketime ser gopala
 Digerim li devrana dinê
 9- Hey Babikê
 Hey babikê hey babikê hey babikê
 Bi Xwedê ez û te tenê lo
 Heyla babikê heyla canika delalî
 Ji mala babê min filitî
 Hay li min hay sebrê
 Ezê çi bikim gundî malî
 Der û cînar û xelk û alem
 Dev ji kar û emelê xwe berdane
 Ji xwe re dixebitîn
 Hekî şerma bab û birakên min nebûna
 Minê porê serê xwe biqûsanda
 Ezê bi canê mala xwe re bixebitiyama
 De heyla çavên reş û belek
 Were lê tim bela ne
 Îro serê çendik û çend raja ne
 Ezê çi bikim kul û mexsedê
 Dinyalikê bi şev û bi roja ne
 Bila paşî xelkê emrê minê bi qurbana te be
 Li welatê xerîbê
 Wele dîsa ne poşman im
 Were hay berxê wele tu sebeb