Palisa

Palisa aku nei au
 He nani lua 'ole i ku'u maka
 Kūmaka i ka mamao, he wehi ha'aheo
 Ha'aheo nō ka haleku'i a'o ke aloha
 He mo'olelo kaulana no Lusia me Palani
 Ka 'oumuamua nui o ka ho'āuhuli 'ana
 Naue kaua ka hunalewa o nā pākaukani
 Nou e ke ali'i o ka lāhui
 Ka 'emepela nui lā 'o Napoleona
 Palisa aku nei au
 He nani lua 'ole i ku'u maka
 Kūmaka i ka mamao, he wehi ha'aheo
 Ha'aheo nō ka haleku'i a'o ke aloha
 Hia'ai ka mana'o ke 'ike aku
 I ka nani o ka pi'o o ka lanakila
 Kūmaka ka 'ikena i ka ha'alilo
 Ka nohona o ka wahine o ku'u aloha
 Ka wahine auali'i 'o Mona Lisa
 Palisa aku nei au
 He nani lua 'ole i ku'u maka
 Kūmaka i ka mamao, he wehi ha'aheo
 Ha'aheo nō ka haleku'i a'o ke aloha
 He kalaunu 'alohi mau loa
 Hulali nā momi me nā kaimana
 Kamahoi, kamaha'o ke nānā aku
 Kohu me he wai lā e 'ale mai ana
 He wehi hiwahiwa lā no Lui Vikona