Tua I Manū

Lo matou Tamā o i le lagi
 Tutu maia le molī matagi
 Fa'apupula mai le ala
 Ia tua ai i manū lenei folauga
 Pe lutia i puava lenei folauga
 Pe lutaluta i fea lenei vasa
 Ou te tū vae lua ona o oe lo'u Atua
 Ou te savali pea ou te le toe tepa i tua
 Po'o a lava ni mala, o matagi ma afa
 E le mafai ona maluelue ai lo'u agaga
 Ua na o oe ou te fa'amoemoe i ai
 Ia tau i manū le folauga ia aunoa ma le fa'avaivai
 Lo matou Tamā o i le lagi
 Tutu maia le molī matagi
 Fa'apupula mai le ala
 Ia tua ai i manū lenei folauga
 E ui lava ina pipi'i tia ae mamao ala
 A o ala ua fano ai le mau ola
 E fa'afoliga o se mea e faatauva'a
 Ae e gase ai lava le tautai fa'atamala
 Po'o a ni atugaluga ma mana'oga o lo'u loto
 E uimagalo ia te oe le Atua o le tautai poto
 Ia faia lou finagalo ae le o so'u tauānau
 O lea ou te tagi atu ai ma lo'u loto fa'anaunau
 Lo matou Tamā o i le lagi
 Tutu maia le molī matagi
 Fa'apupula mai le ala
 Ia tua ai i manū lenei folauga
 Tautai oe le Atua!
 Lo matou Tamā o i le lagi
 Tutu maia le molī matagi
 Fa'apupula mai le ala
 Ia tau ai i manū lenei folauga