Chhingmitin Biahthu Kan Hlan

Tunge ka nih
 Enge ka tih?
 Ti em a mawina, duhawmna
 Ka phu em ni?
 Lemziak thiam in an duhthusam
 Chhimbâl leh arsi te hmang pawn
 Han ziak sela
 An puang chhuak zo chuang long e
 I mawina zawng te
 Rangkachak leh lunghlu pawn
 I hlutna an buk tawk zo chuang long e
 Hun hi liam lo se
 Hmangaihna kiam lo se
 Tawnmang ramah
 Chhingmit chhing loin kan leng
 I thuruk thim ber pawn
 Min hnar thei chuang long e
 Lenrualte zing ah pawh
 Kan inthup thei lo
 Ṭawng hriatloh in chhingmit in
 Biahthu kan hlan
 I pianni khan
 Angel var ten
 Mihring mit hmuh
 A mawi ber tur
 An duang em ni?
 Engpawh chu lo ni se
 Ka suihlung i dum ngei e
 Rangkachak leh lunghlu pawn
 I hlutna an buk tawk zo chuang long e
 Hun hi liam lo se
 Hmangaihna kiam lo se
 Tawnmang ramah
 Chhingmit chhing loin kan leng
 I thuruk thim ber pawn
 Min hnar thei chuang long e
 Lenrualte zing ah pawh
 Kan inthup thei lo
 Ṭawng hriatloh in chhingmit in
 Biahthu kan hlan