Martbaan

Har raat aankh band karte hi, mai.n kahee.n aur uthi hoo.n
 Ek sheeshe ki deewaaro.n ke soone se apne ghar mei.n
 Is ghar mei.n mai.n akeli nahi.n, mere saath kuch saamaan hai
 Yaad nahi.n kahaa.n se mila, par chhoone mei.n apna sa lagta hai
 Farsh par bikhrey hai.n kayi panne
 Kisi bhooli hui kahaani ka hissa hai.n
 Roz in panno.n par ek nayi kahaani padhti hoo.n
 Saath chalne ko bhi na honge raazi
 Peechhe hote hi jo palat dei.n baazi
 Jo paas aaye koi, mitaatey hai.n unke nishaa.n
 Ho duur koi, ye unse bhi hai.n pareshaa.n
 Ye bhi koi jeena hai? O! Zinda murdey
 Aage hain do rahei.n, aasaa.n ek nahi.n
 ♪
 Is ghar ke baahar din nahi.n hota
 Par ek andhere kone mei.n, bator rakhhi hai raushni maine
 Bas ek martbaan ujaala
 Bas ek hi martbaan hai
 Ye ujaala bhi kabhi khatm hoga
 Mere paas waqt bahot kam hai
 Meri kahaani adhoori na reh jaaye
 Mere paas waqt bahot kam hai
 Zindagi mei.n aa jaayei.n jab do-raahei.n
 Aur zehen-dil saazish si karna chahei.n
 Jo dil chahe, wo hi hai qaabil tere gaur ke
 Aur tu hai ke wo hi daba kar khada zor se
 Ye bhi koi jeena hai? O! Zinda murdey