Màili Dhonn

Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Gura mise tha gu tinn,
 Cùl mo chinn air na leacan,
 Bha mi roimhe rotach, garbh
 Air an fhairge ga marcachd.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Gura mise tha gun spèird
 Ann Dùn Èideann 's an Sasann
 Bha mi rèidh am measg nan seòid
 Cluich an òir air na cairtean.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Chaidh sinn timcheall Rudha Lìte,
 'S iomadh gunna caol a' lasadh
 Leig mo Mhàili siud ma cluais,
 Ghabh i 'n cuan; 's ann bha fasan.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Thog i h-acarsaid an Èirinn,
 Leig i brèid ann an Sasann,
 Bhuail i sròn air tìr an Lìte,
 'S leig i cridhe ann an Glaschu.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 'S ann an t-seachdain chun an-dè
 Thog mi brèid ann an Sasann,
 'S ann a shamhlaich mi do cheum
 Ri laoigh fèidh 's e aig astar.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Bha i siùbhlach gun mheang
 Eadar chruinn agus chnagan;
 Darach nach teirig a chaoidh
 Eadar druim agus plang.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.
 Nuair a thèid mi chun na fèill'
 'S e do bhrèid a thig dhachaigh;
 Tops'l ùr ga dhèanamh dlùth,
 Ged chosgadh e crùn an t-slat dhomh.
 Mhàili dhonn, bhòidheach dhonn,
 Mhàili dhonn, tilleadh dhachaigh
 Gruagach òg a chùil duinn,
 Dh'èireadh m'inntinn air d' fhaicinn.
 Mhàili dhonn, bhòidheach dhonn.