Samoae Maopoopo Mai

Oooooooooo
 Pe lele le toloa i feai
 e ma'au lava i le vai,
 e pei o upu o le muagagana
 se'iloga e te moe i lou fala
 pe malulu, e te moe mafanafana
 Pe o fea o lenei lalolagi
 e te aumau ai,
 e te manatua ai lou atunu'u moni
 se'iloga e te toe fo'i mai i le lau ele'ele
 na foa'i mai e le Atua e fai mo ou tofi
 (Aue)
 Samoa e, maopo'opo mai
 Ia e pei o le toloa
 pe lele i fea,
 ai ma'au lava i le vai
 Samoa e, maopo'opo mai
 Ia e pei o le toloa
 pe lele i fea,
 ai ma'au lava i le vai
 E ui na ou aumau i atunu'u ese
 vavao mamao i vasa e tele
 Samoa e le galo atu oe
 O oe o la'u penina tau tele
 O le tomai na tu'u mutu mai
 O le pogai o lo'u atamai,
 ou te fa'afetai
 O au tu ma nai au aga
 Fa'aaloalo so'o i se tagata
 O le ala lea o lo'u mitamita
 Penina oe o le Pasefika
 Lou fa'avae ia tumau
 Lau aganu'u ia u'u mau
 ia fa'avavau
 Samoa e, maopo'opo mai
 Ia e pei o le toloa
 pe lele i fea,
 ai ma'au lava i le vai
 Samoa e, maopo'opo mai
 Ia e pei o le toloa
 pe lele i fea,
 ai ma'au lava i le vai
 Ia e pei o le toloa
 pe lele i fea
 ai ma'au lava i le vai
 Ia e pei o le toloa
 pe lele i fea
 ai ma'au lava i le vai