Cung Sang Zuang

Khi cungsang sin ah zuang aw, na tumtahnak
 Hmun na thlen hlan tiang in
 Khi cungsang sin ah zuang aw, na tumtahnak
 Hmun na thlen hlan tiang in.
 Ziaza thleng a har, kan zumnak thleng a har
 Keneh an hlo nan, thuanthu pawl an hlo har
 Seherhnak leh duhdawtnak
 Cem an har, ziamral an har
 Minung dan si ko, minung dan si ko
 Mah le mah theih awk a thupi
 Hmailam caan saupi ruat thupi
 Thinlung nomnak a thupi
 Hna ngamnak neih a thupi
 Ruat duh hlah, tuah thlang aw, to men lo in tho thlang aw
 Lei tlun pi in a lo tul, to men lo in tho thlang aw.
 Khi cungsang sin ah zuang aw, na tumtahnak
 Hmun na thlen hlan tiang in
 Khi cungsang sin ah zuang aw, na tumtahnak
 Hmun na thlen hlan tiang in
 Zuam hrih aw, a rei lo ding
 Na tumtahmi pawl na ngah cing ding
 Ziang na hruk, ziang na mawng mi'n na sinak an rel lo
 Na thei ko, na duhbikmi
 Zaan var tiang ih na ruah theu mi
 A hla in na hun thlir, hman seh na rung kir
 Na ruahnak ah a cang thei lo
 Hitin a si, ka lo sim ding
 Na ruahnak ah na nun pe aw, na tha pe aw, na caan pe aw
 Ziangtinkim a famkim ding
 Feh hrih ko, na cawl thei lo
 A naa na tuar nan an dam theh zo
 Na caan a kim, na thla an kim
 Muvanlai bang zam sang aw hey
 Khi cungsang sin ah zuang aw, na tumtahnak
 Hmun na thlen hlan tiang in
 Khi cungsang sin ah zuang aw, na tumtahnak
 Hmun na thlen hlan tiang in.
 A nung taktakmi na si
 Tleunak thlentertu na si
 Sunglawi tukmi nunnak le
 A mankhung tukmi tikcu caan
 Na kut sungah an um thluh na thei...
 Khi cungsang sin ah zuang aw, na tumtahnak
 Hmun na thlen hlan tiang in
 Khi cungsang sin ah zuang aw, na tumtahnak
 Hmun na thlen hlan tiang in