1937

Merkatu goiz
 Arrunt baten
 Ekhi pintzak igartzeko hegaldia
 Altxa zuten
 Burdinezko usoek
 Bombak zeruan
 Erruten zeuden
 Eztanda bat
 Olatu bat
 Metraila zatiak txistu jotzen
 Lore beltzak
 Hil ferekak
 Ezker eskuin banatzen
 Iheserako
 Aukera gabe
 Harrien arteko
 Segundu orenduek
 Mutu ziruditen
 Min oihu batek apurtzerako
 Bi haurren ama zen
 Uluz lau haizeei
 Harrien artean
 Esku txiki haiek non,
 Non bilatuko
 Odolez
 Zuloz jantzitako
 Gorputz eta hormen
 Mintzo mutuei adi hark zer esango
 Hiru hilotz
 Mila bihotz
 Su artean bihurturik izotz
 Halakoan
 Errepara
 Bi umeen gorpuei
 Hogei metrotara
 Botata zeuden
 Azken hatserako
 So euren begiei
 Hitza eman zien
 Memorian ez zirela inoiz hilko
 Harrien arteko
 Segundu orenduek
 Erakutsi zuten
 Instant bat aski dela ezerezteko
 Malkoek
 Itoriko hitzen
 Amorru hautsia
 Hormako zuloetan
 Testigatzeko
 Testigatzeko
 Odolez,
 Zuloz jantzitako
 Gorputz eta hormen
 Oihartzun mutua
 Testigatzeko