Zuloan

Zuloan,
 Esku, aho, begitan mendiak
 Harri, euri, bihotzetan sustraiak.
 Gure lurraldetan
 Jaioko diren
 Aldarri berrientzako
 Haziak baitira zuen
 Hezurrezko ezpainen musuak,
 Itzaili ez den su,
 Zulotik gatoz.
 Oroitzen ditugunean
 Kunetetako loreak
 Bihurtzen gara hazi,
 euri, harri, herri...
 Zuloan loratuko ditugu ametsak,
 Kunetetan babestu oroimena;
 Hormetan idatziko ditugu izenak,
 Zuen ametsa, gure itxaropena.
 Zuloan,
 Sustrai, hezurren... oihartzuna
 Herri, zauri, azaletan odola.
 Zuen kantutako
 Aldarri dira
 Abestu nahi ditugunak.
 Entzungo baitira gure
 Olatuzko ahotsen doinuak,
 Agortu ez den lur,
 Zulotik gatoz.
 Bilatzen ditugunean
 Arbasoen malkoak
 Sentitzen gara eri,
 zauri, harri, herri...
 Zuloan loratuko ditugu ametsak,
 Kunetetan babestu oroimena;
 Hormetan idatziko ditugu izenak,
 Zuen ametsa, gure itxaropena.
 Zuloan loratuko ditugu ametsak,
 Kunetetan babestu oroimena;
 Hormetan idatziko ditugu izenak,
 Zuen ametsa, gure itxaropena.